Sayano ki iss duniya mein
Mai abodh hoo
Gyaniyon ki iss duniya mein
Mai agyani hu
Gyan ke gahre sagar ki
Gahrai bahut zyada hai mujhse
Mai to sarabor hu bhavo se
Bheegi hu Mai to
Nishchal prem ki varsha se
Lekin Maine suna hai
Ma bhi to aanchal mein rakhti hai
Apne abodh bachche ko
Raksha karti bankar uski dhal
Ishwar bhi to sachche prem se bhare
Saral hriday mein virazte
Nahi janti mera prem Sita jaisa
Ya Radha aur Rukmini jaisa
Lekin mere andar Parvati jaisi zid to hai
Kitne janm karni hogi mujhe tapsya
Kitne yugon tak karni hogi mujhe prateeksha
Kya mere anuraagi man ko
Tum mil paoge Mere Bhagwan
Bas itna nishchit hai
Mai sirf Tumhari hu
Ab chahe tarasho , sawarno mujhe
Ya phir bikhra do mujhe
Mera astitva to hai sirf Tumse !!!!!!